我以為我已經無事, 雖然我在人前表現得好好, 但事實不是如此, 心仍是很痛...很痛.
時常在想, 真的很想時光可以倒流, 我會好好珍惜你, 我會好好保護你, 不會讓你出事的.
"痛在心底裡, 仍然能平靜似水,覆蓋在面上的顧慮."
生BB嗰一日, 好似發咗一場夢咁, 原本係27/5, 突然喺22/5正午穿咗少少羊水, 自己都唔知, 到到晚上八點先搭的士去醫院, 都仲未確定自己生得, 只係諗住去做吓檢查, 去到醫院, 姑娘同我做檢查, 都確定唔到係咪穿咗羊水, 不過醫生話除咗羊水, 都諗唔到係乜嘢, 同埋唔可以再拖, 因如果係, 已經穿咗羊水九個鐘, 八點半我先到咗醫院, 突然間八點十話要即刻做手術, 真係好驚, 五分鐘後就推咗落去手術室, 九點鐘瞓咗喺手術枱, 醫生同麻醉科醫生不斷同我傾計, 佢哋知道我好驚, 因我無心理準備, 之前仲諗住快啲返屋企睇"柴九同四奶奶", 突然話我要生仔, 真係太突然, 連醫生, 姑娘同麻醉科醫生都話, 無得睇"柴九同四奶奶", 大家都好失望, 其實我都唔想, 我都好想睇架!
(閱讀全文)BB原本喺五月廿七日出世, 但喺五月廿二日, 突然穿咗羊水, 要即刻做手術, 終於喺夜晚出咗世. 原本生咗個女, 真係好開心, 因為係喺我個肚度九個月, 同埋係同自己所愛的人生的, 終於都睇住佢出世, 經歷咗兩個星期, 有一個人令到我好唔開心的, 就係我奶奶, 佢每日都嚟我屋企, 真係好煩, 又話我呢樣, 又話我嗰樣, 成日叫我返入房, 佢就抱BB喺廳, 每日都嚟爭抱BB, 每次都從我手上面搶走我個女, 唔比我抱, 唔比我餵奶, 我明明餵緊BB, 我明明抱緊BB, 唔夠一分鐘, 佢就會由我手上面搶走BB, 佢抱BB得嚟又唔托住BB個頭, 同佢講, 佢話唔使咁驚, 無嘢的, 繼續都係唔托住BB個頭, 呢樣又話唔緊要, 嗰樣又話唔使咁, 佢緊係唔緊要啦! 唔係佢生架嘛! 但係我拕咗個BB九個月, 好辛苦先生到出嚟架! 又唔比我抱, 所以我真係好怕佢嚟我屋企, 但係佢日日都嚟, 都唔知想點. 另外佢無問過我, 居然侵犯咗我的私隠, 係我的重要地方, 係十分之私人的地方, 令到我更加唔鍾意佢, 佢完全無尊重過我, 佢知唔知佢咁做, 會令我覺得我的自尊比人攞走咗? 我感覺呢間屋企, 唔再安全, 因為有人會嚟侵犯我的私隠, 有人會嚟搶我個女, 唔比我抱我個女, 可唔可以唔好日日嚟呀!? 可唔可以唔好由我手上面搶走我個女呀!? 知唔知咁樣好無禮貌架!? 個女係我架! 之前嗰兩個星期, 好容易喊, 而令我每晩喊的人, 都係呢個奶奶! 我而家唔會喊, 反而我要好好咁保護同攞返我個女!
最近身邊有一個人, 對金錢十分重視, 好像比家人更重視, 令我覺得有點兒可怕.
她在家中沒有任何金錢要出, 在家中所有金錢都計到清清楚楚, 也不理家人是否承擔得來, 但她是有工作的, 收入也很好.
前多天因一個女工在保良局工作時發生意外, 最後也過身了, 昨天她的家人追討賠償, 我身邊的人居然說: "咁咪好囉! 死咗屋企人又可以有一大筆錢!" 這句說話真的把我嚇到, 我從沒想過我身邊會有任何一個人有這種想法, 然後我想我是誤會了, 我問她, 沒有了一個家人, 換來一筆金錢, 又有什麼用, 錢比家人更重要嗎? 她再說: "她死了, 家人多了一大筆金錢, 咪好好囉! 無休了!" 我再問, 如果錢同家人, 那樣重要呢? 她沒有答我了.
她有一個朋友, 很多年前離了婚, 前夫每個月給那人很多錢, 那人的細女兒不喜歡她, 而且也不同住, 之後那人的大女兒因被人謀殺, 所以有很多保險給那人, 那人用那些錢買了層樓, 只是自己住一所豪宅, 不須工作, 但仍可以去shopping, 買二萬元一條頸鏈, 食午餐食二千多元, 用護膚品用七八千元, 真的很富貴! 我身邊的人說, 就是她朋友的女兒死了, 她朋友便有很多金錢, 可以過濶太的生活, 生活以後也無休了.
聽了這些說話感覺很可怕, 很可悲, 也很可憐, 金錢真的那麼重要嗎? 如果有很多金錢, 但身邊連一個家人也沒有, 要那麼多金錢又怎樣? 如果要失去一個家人, 才有很多金錢, 那又值得嗎? 又有什麼意思? 但一家人和睦, 就算沒有金錢也開心吧! 其實只要容易滿足, 少少金錢已經很富裕.
我只是覺得, 生命是無價, 一家人和睦, 一家人互相體諒包容, 也是無價的! 但恐怕只是我一箱情願的想法吧!
四月七日零晨, 養了十七年的貓~阿Do, 最終都走了, 自從懷孕我都沒有抱她, 因為怕貓有什麼虫會令人小產, 只有摸她, 和她玩, 但這四個月, 她都很少玩, 只是睡覺, 行也行不穏呢! 而我這兩個月, 因為胎兒不穏定, 所以不能出街, 只能瞓床, 所以這兩個月也沒有回媽媽家去看她, 記得兩個月前去探阿Do時, 叫她一定要等我生完BB後才走, 因我真的很想抱她和吻她, 到了上星期, 身體情況好了些, 想著星期六或日去看看她, 但她等不了, 不動聲色的, 話走便走了, 想不到我兩個月沒有見她, 再見她時, 她已變得彊硬, 當然, 養了十七年, 怎會不傷心, 家人都叫我不要哭, 怕影響胎兒, 那有可能? 但畢竟她已經十七歲, 去時也很安祥, 她的樣子好像睡覺, 我想她是睡著去的, 沒有痛苦, 老了, 始終都要走, 人一樣, 所有動物都一樣, 她現在和Bobby(狗狗)住在一起, 不知Bobby還記得她嗎? 也不知阿Do還記得Bobby嗎? 她們一起了八年, Bobby便走了, 走了後阿Do有幾個月都不開心, 但Bobby已經走了七年, 真不知她們記不記得大家.
不知貓狗走後去那裏, 只希望她們開開心心, 沒有痛苦. 我永遠都會懷念她們!
唔經唔覺, 懷孕已經廿九週, 即係七個多月, 原來做一個媽媽真係不容易, BB還未出世, 身體上面已經有很多轉變, 真的很辛苦, 頭嗰三個月每一日都嘔, 但又要食, 又肚餓, 嘔完再食, 食完再嘔, 又流血作小產, 又肚痛, 過了三個月, 以為會好過好多, 但只有一個多月的舒服, 之後又肚痛起嚟, 到到現在七個多月, 到了晚上, 個肚會實吓實吓, 係子宫綀習收縮, 但噚晚由九點至到零晨四點, 都喺度收縮, 搞到真係瞓唔著, 轉左又唔得, 瞓平又唔得, 轉右又唔得, 而且因為有BB, 令自己有另一個病, 好痛好痛, 比起肚痛更加辛苦, 一定要瞓喺床度先唔會痛, 不過一切都是值得的, 只要BB健康的出世, 什麼也是值得的, 真的很希望快啲到五月尾.
唔經唔覺, 已經廿三周, 個肚已經大咗好多, 好多人問我而家搭地鉄, 係咪好多人讓位比我, 一定有位坐, 錯晒啦! 應該係話, 而家搭地鉄, 坐喺坐位嗰啲人, 一見到我就會即刻瞓著咗, 一係好投入咁打機, 成排人都係咁, 都好得意吓! 唔通我識得摧眠? 更加估唔到係有兩次有人同我爭位坐, 一個係阿姑, 大約四十多五十歲, 身手敏捷, 一個係後生仔, 廿多歲, 當然我係輸嗰個啦! 因為我動作係慢咗好多, 見肚咁耐, 只有三次有人讓位比我, 一個中年男人, 一個後生仔, 一個中年女人, 其中一次仲搞笑, 嗰個後生仔讓位比我, 點知就比嗰位阿姑以九秒九的時間攝咗過嚟, 勁呀!
係咪香港啲公民意識太差呢? 讓位比大肚婆或者係老人家都唔係好大損失啫! 我未大肚前, 我都見啲有坐位o既人, 一見到啲阿婆阿伯, 即刻瞓著咗, 一係打機!
今日去咗政府醫院度第一次見婦產科醫生, 見醫生前要喺護士站度驗小便榜重同量血壓, 我感覺好似比人當羊群咁趕, 趕你入去排隊, 趕你出去驗小便, 趕你去量血壓同榜重, 好趕時間咁, 乜都要快, 然後又趕返你出去等見醫生, 就嚟慢啲都比人鬧, 之後等咗一輪之後, 又叫我名入去見姑娘, 聽佢講一陣個程序, 話要檢查乳房, 二十周前要檢查陰道, 我心諗:"唔係呀!? 仲要搞呢啲嘢!?" 然後再聽姑娘講我啲血report, 之後又等咗一輪, 入去見醫生, 見到醫生個樣, 重驚!!! 好老呀! 講嘢又窒窒吓, 好唔掂咁! 然後叫我瞓上床, 我好驚呀! 我唔想比佢檢查, 佢叫我拉高件衫, 再拉高啲, 我心諗:"我唔會再拉高啲架啦! 咪蝕底晒! 好在! 唔知係咪因為佢知我喺醫院度做, (有record的), 所以我唔使檢查乳房, 同埋我就聽日就二十周, 所以都唔使檢查陰道, 只係聽吓我同BB的心跳, 然後聽吓醫生講一輪廢話, 真係好廢架! 仲要窒吓窒吓, 我心諗:"好在我諗住喺私家醫院生啫!"
(閱讀全文)今日係2008年最後的一日, 今年真的過得很快很快, 如果每年都好像今年這樣快, 那我很快便會很老很老了.
回顧今年都有很多不開心的事, 好像坐過山車一樣, 尤其醫生說我的病那三個月, 反反覆覆, 都不知做不做手術好, 到了接受了現實, 決定了做手術, 幸好傳來好消息, 就是懷孕了, 最後也不能做手術.
懷孕後, 發覺做媽咪真的很偉大, 當中有很多要犠牲, 當然現在只是一個開始吧! 我仍要好好學習, 我以前所受媽咪的影響, 家庭的陰影, 我不要傳給孩子, 我要把最好的給她/他, 最重要是她/他健康快樂!
每當想起孩子是我和峰結合而成的, 心裡都覺得很幸福, 因為那是我所愛的人吧! 不知似我還是似峰呢? 希望不要像峰的那麼多暗瘡, 不要像峰的懶惰, 不要像我的任性和反叛吧!
現在已是四個月, 還不知是男孩還是女孩, 真不知她/他何時才給我們知道呢? 我等著她/他給我知的一日, 等著肚子一日比一日大的樣子, 等著孩子來臨的一天!
今日喺病房度唔小心跌親, pat pat落地, 跌完後pat pat當然痛, 就連肚都十分痛, 之後落咗去急症室照超升波, 好在BB無事, 原本峰話踢波後我放工會接我, 結果放工send咗一個sms比我話趕唔到, 話3:45pm會返到屋企, 我諗住話佢知我跌親, 但打極都無人聽, 打到3:45pm, 終於有人聽, 原來啱啱踢完波, 咁又話3:45pm會返到屋企? 乜嘢時間觀念嚟架! 做人可唔可以有啲時間觀念呢? 真係好嬲, 以前係咁, 而家都係咁, 分手過咁多次都唔會為我而改變. 我有事可以搵邊個呀? 連我所謂最親的人, 每當我有事時, 都唔會搵到佢架喎! 老婆大住個肚, 唔係應該陪多啲佢咩? 唔係應該嚟車佢接佢放工咩? 踢波乜真係咁緊要咩? 噚晚先踢完, 今日又踢, 老婆大肚, 在於佢嚟講都無乜嘢改變. 我只係想當我有事時, 須要一個肩膀依靠時, 個老公會喺我身邊啫, 就算唔喺, 都起碼可以搵到呀! 都唔係過份呀!
(閱讀全文)原本好開心咁諗住買車, 去睇咗車, 結果決定去黃埔名車交易廣場入面, 叫"X駿"車行度買車, 買一架O首Odyssey, 我哋諗住trade in 自己架四首車, 傾掂數, 諗住落訂前問張生攞牌簿, 點知佢話客人無交底, 我哋結果都落訂$5000, 單寫咗"如有大撞水浸, 退回訂金." 但唔知點解, 張收據係另一間公司, 叫"X匯"汽車公司, 第二日攞架車去驗, 再問張生攞牌簿, 一睇原來已經二首, 即係賣比我哋變三首, 架車驗完話曾經撞過, 但不算大撞, 我哋話佢呃人, 佢居然發爛話, "二首又如何, 撞過又如何......" 後嚟我哋同佢嘈, 點知佢開車走人, 到第日換咗另一個陳生同我哋傾, 話係一個誤會, 但如果我哋唔要架車, 係唔會退訂, 佢話平多$5000比我哋, 包換皮椅, 車尾感應同噴油, 但要加訂$20000, 我哋當然唔肯, 我哋話唔須要佢整, 總之trade in 自己架車同買到我哋想要的車, 又無蝕$5000訂便可以, 結果陳生話"OK", 諗住第二日去買本票, 點知陳生突然打嚟, 話check到我哋架車大撞過, 曾經claim過$80000保險, 話佢唔會要我哋架車, 我哋問佢攞返訂金, 佢話唔會比, 之後再打電話去佢哋手提, 一係話唔得閒, 即時收線, 一係熄埋電話, 總之搵佢哋唔到.
其實我哋真係唔知我哋架車撞過, 因為已經四首, 同埋我哋之前係同朋友買, 所以無check過同驗過車, 真係唔知幾時撞過, 唉! 如果係真, (因為只係車行佢咁講), 真係唔知之前個朋友知唔知呢件事, 唔通又係搵我哋笨?
之後我問我的律師行朋友同差人朋友, 大至上都無得搞, 發一封律師信要$2000, 仲要未必攞得返啲訂金, 如果報警, 只係備案, 我哋去埋消費者委員會, 只係講咗我哋呢件事, 咪即係無用, 而家唯有留比卡中心, 睇吓可唔可以終止transation交易. 另外我哋再問埋一個律師朋友, 佢會比一啲小額錢債的表格比我哋, 再睇吓有無得搞.
上網睇原來喺車行買車, 真係有好多騙案, 根本就明呃我哋訂金, 佢只呃到我哋$5000, 但原本佢想呃我哋$20000, 好彩無加訂金, 買車真係要好小心, 最好搵人介紹或者買新車, 呢次的教訓, 除咗無咗$5000訂金, 仲令我哋好激氣!
